Альпинистке Ленин чокусуна чыгар алдында 2,5 млн сомдук полис берилген
Мамлекеттик камсыздандыруу уюму альпинист жана блогер Дамира Шарипбековага Ленин чокусуна чыгуу алдында 2,5 млн сомдук камсыздандыруу полисин тапшырган. Бул тууралуу аталган мекемеден билдиришти.
Маалыматка ылайык, Дамира Шарипбекова деңиз деңгээлинен 7134 метр бийиктиктеги Ленин чокусуна 20-июлда чыгып, ийгиликтүү кайтты.
Белгиленгендей, Дамира Шарипбекова — Мамлекеттик камсыздандыруу уюмунан альпинизм багыты боюнча полис алган биринчи айым.
Белгилей кетсек, Дамира буга чейин агасына боорунун 70% донор катары берген. Операциядан кийин ден соолугун калыбына келтирип, кайрадан альпинизмге кайтып келип, Кыргызстандагы эң бийик чокулардын бирине чыкты.
