Чоң-Алайда экологиялык мыйзам бузуулар үчүн 40 миң сом айып пул салынды
Чоң-Алай айыл өкмөтүнүн Кызыл-Эшме тилкесинде белгиленбеген жерге таштанды таштоо жана унаадан ченемден ашык уулуу газ бөлүнүп чыккан учурлар аныкталды. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Аталган мыйзам бузуулар үчүн административдик чара колдонулду.
Тактап кетсек, бир кызматтык унаадан зыяндуу булгоочу заттардын көлөмү белгиленген ченемден ашканы аныкталып, айдоочу 23 миң сом өлчөмүндө айыпка жыгылган. Ал эми туш келди таштанды таштагандарга 13 миң сом айып пул салынган.
Маалыматка ылайык, министрликтин Ош регионалдык башкармалыгынын Экологиялык техникалык көзөмөл кызматы Чоң-Алай айыл өкмөтүндө 2026-жылга карата пландуу текшерүү жүргүзүлүүдө. Кызматтык унаалардан чыккан уулуу газдардын абага тийгизген таасири атайын газ анализатор аппаратынын жардамы менен текшерилгени айтылды.
