Токтогулдун Камыш-Башы айылына таза суу тартылууда
Токтогул районунун Камыш-Башы айылында жергиликтүү калкты таза ичүүчү суу менен камсыздоо долбоорунун алкагында суу түтүк тармактарын төшөө иштери толугу менен аяктады.
Айыл чарба министрлигинин маалыматына ылайык, бүгүнкү күндө курулуш-монтаждоо иштери акыркы этабына чыкты.
Учурда объектте төмөнкүдөй жумуштар толугу менен аткарылды:
Ичүүчү суу менен камсыздоочу негизги тармакты тартуу иштери 100%га аткарылды;
Учурда подряддык уюмдун адистери тутумдун бириктирүүчү бөлүктөрүн монтаждоодон өткөрүшүүдө;
Муну менен катар суу менен камсыздоочу инфраструктуралык объекттердин айланасына коргоочу тосмолорду орнотуу иштери жүргүзүлүүдө.
Курулуш-монтаждоо иштери аяктап, объектти пайдаланууга берүү Камыш-Башы айылынын тургундарын бардык санитардык-гигиеналык нормаларга жооп берген таза ичүүчү суу менен туруктуу камсыз кылууга мүмкүнчүлүк берет.
