Жеке ишкерлер үчүн мамлекеттик каттоо күбөлүгүн алуу жеңилдеди
Жеке ишкерлерге мурда кагаз түрүндө берилген мамлекеттик каттоо тууралуу күбөлүктөр санариптештирилди. Бул тууралуу Салык кызматы билдирди.
Эми ишкерлер документти электрондук түрдө салык төлөөчүнүн кабинетинен каалаган убакта өз алдынча жүктөп ала алышат. Күбөлүк жоголгон учурда аны кайра калыбына келтирүү үчүн кошумча жарыя берүү талап кылынбайт.
Салык кызматынын маалыматына ылайык, жаңы мүмкүнчүлүк ишкерлердин убакытын үнөмдөп, мамлекеттик кызматтарды алууну жеңилдетүүгө жана санариптик тармакты өнүктүрүүгө багытталган.
