Жумгал районуна техникалар тапшырылды
23-июлда Нарын облусунун башчысы Нурбек Сатаров Жумгал районуна болгон иш сапарынын алкагында президенттин турукташтыруу фондунун эсебинен алынган атайын техникаларды тапшырды.
Нарын облустук админстрациясынын маалыматына ылайык, Түгөл-Сай айыл өкмөтүнө 1 экскаватор жана Куйручук-Кызарт айыл өкмөтүнө ата мекендик “Шумкар” өндүрүшүнөн чыккан 1 таштанды чыгаруучу атайын техника пайдаланууга берилди.
Белгилей кетсек, Жумгал районуна президенттин турукташтыруу фонду жана Нарын облустук “Теңир-Тоо” өнүктүрүү фонду аркылуу жалпысынан 8 даана атайын техника каралган. Алардын катарына 5 экскаватор, 1 грейдер, 1 жол жуучу атайын техника жана 1 таштанды чыгаруучу атайын техника кирет.
Учурда техникаларды сатып алуу жана жеткирүү иштери жүргүзүлүүдө.
