АИ-95 күйүүчү майынын тартыштыгы боюнча түшүндүрмө берилди
AИ-95 үлгүсүндөгү бензиндин тартыштыгы орусиялык компаниялар тарабынан киргизилген жеткирүү чектөөлөрүнө байланыштуу. Бул тууралуу Монополияга каршы жөнгө салуу кызматынын адиси Лариса Шустикова “Биринчи”радионун" эфиринде билдирди.
"Орусиялык компаниялар бул жерде иштеген өздөрүнүн ишканаларына АИ-95 бензинди жеткирүүнү чектешти. Ошол эле учурда, үч ири мунай ишканалары ишин улантып, запастарга ээ болгону менен, логистикалык чектөөлөрдөн улам жеткирүүдөгү жетишсиздикти толуктай албай жатышат", – деди ал.
Шустикова ошондой эле айрым май куюучу жайлардын убактылуу жабылышы ар дайым эле күйүүчү майдын жетишсиздигине байланыштуу боло бербестигин кошумчалады.
"Эгерде айрым май куюучу жайлардын жабылып жатканын көрсөңүздөр, бул жолду оңдоо же кеңейтүү иштерине байланыштуу болушу мүмкүн. Башкача айтканда, жабылуулар ушул факторлорго да байланыштуу болушу ыктымал", – деди ал.
