Бишкектеги Ататүрк сейил багы оңдоп-түзөөдөн өткөрүлүүдө
Бишкек шаарынын мэри Айбек Жунушалиев Ататүрк сейил багынын аймагын кыдырып чыгып, оңдоп-түзөө иштеринин жүрүшү менен таанышты. Ошондой эле подряддык уюмга жана тиешелүү шаардык кызматтарга калган иштерди аягына чыгаруу жана объектти мындан ары талапка ылайык жасоо боюнча бир катар тапшырмаларды берди.
Бишкек шаардык мэриясынын маалыматына ылайык, бүгүнкү күндө объектти оңдоп-түзөө иштери 99%га аяктады. Ататүрк сейил багын жаңылоонун алкагында ички жөө жүргүнчүлөр жолдору толугу менен жаңыланып, жаңы асфальт төшөлдү, заманбап балдар аянтчалары курулуп, шаардыктардын эс алуусу үчүн ыңгайлуу шарттар түзүлдү.
Мындан тышкары, сейил бактын аймагында шахмат ойноо үчүн атайын аянтча жана йога залы ачылып, бул тургундардын активдүү жана пайдалуу эс алуусу үчүн кошумча мүмкүнчүлүктөрдү түзөт.
