Журналист Жээнбай Каракүчүковду сабаган жаран камакка алынды
Октябрь райондук ички иштер башкармалыгы УТРКнын “Телекүзөт” программасынын редактору Жээбай Каракүчүковго кол салууга шектелген жаранды кармаганын билдирди.
Маалыматка ылайык, окуя жарандардын кайрылуусу боюнча тартуу иштери жүрүп жаткан учурда болгон. Бул факты боюнча “Бейбаштык” беренеси менен кылмыш иши козголгон.
Ыкчам издөө иштеринин жүрүшүндө шектүүнүн өздүгү аныкталып, 1995-жылы туулган Т.Ж. кармалган. Ал Бишкек ШИИББдин убактылуу кармоочу жайына киргизилди.
Учурда окуя боюнча тиешелүү экспертизалар дайындалып, тергөө иштери уланууда.
