Оштогу аэропортто мыйзамсыз товарларды алып кирүүгө бөгөт коюлду
Салык кызматынын кызматкерлери Ош шаарындагы аэропорттон Евразия экономикалык биримдигине мүчө өлкөлөрдөн келген товарларды мыйзамсыз алып кирүү аракетин аныктап, ага бөгөт коюшту.
Аталган кызматтын маалыматына ылайык, жүктү текшерүү учурунда баштыктардын ичинен сүркүзөндүн терисинен жасалган 109 баш кийим жана 161 даана сүркүзөндүн териси табылган.
Аталган товарлар тиешелүү коштомо документтери жок ташып келинген.
Бул факты боюнча кызматкерлер тарабынан тиешелүү актылар түзүлүп, учурда Кыргыз Республикасынын мыйзамдарынын алкагында чаралар көрүлүүдө.
