Каныбек Туманбаев транспортту каттоо борборунун ишин текшерди

Каныбек Туманбаев транспортту каттоо борборунун ишин текшерди

Президенттин Иш башкаруучусу Каныбек Туманбаев Транспорт каражаттарын жана айдоочулук курамды каттоо боюнча мамлекеттик борборго жумушчу сапар менен барды. Бул тууралуу мекеменин маалымат кызматы кабарлады.

Мамлекеттик борбордун директору Тынчбек Саидов жана бөлүм жетекчилери катышкан жыйында жарандарга көрсөтүлүүчү кызматтардын сапатын жогорулатуу, онлайн-кызматтарды кеңейтүү жана санариптештирүүнү тездетүү маселелери каралды.

Маалыматка ылайык, кезек күтүүнү азайтуу үчүн 250дөн ашык транспорт каражатын берүү пландалууда. Ошондой эле чет өлкөдө иштөөнү каалаган айдоочулар үчүн Code 95 талабына ылайык заманбап автодром курулуп жатат. Азыр бул багытта 200дөн ашык арыз түшкөн.

Каныбек Туманбаев экзамендерди ачык-айкын өткөрүү, коррупцияны азайтуу жана бардык жарандарга бирдей шарт түзүүнү тапшырды.

Мындан тышкары борбордун инфраструктурасы жаңыланууда. Бишкекте борбордук аппараттын жаңы имараты курулуп жатат, ал эми жакынкы күндөрү Ошто жаңы автодрому бар аймактык бөлүм ачылат.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Коом

Акыркы жаңылыктар

Баары

Bishkek Snow Leopard Run: марафондон жаратылышка жардам (видео)

2027-жылдын бюджетинде кайсы тармактарга канча каражат каралды?

Нурдан Орунтаев 100дөн ашык курулуш компаниясынын жетекчилери менен жолугушту

Кызыл-Кыядагы жылуулук ишкана кышкы сезонго даяр

Таласта мыйзамсыз реконструкциялоо иштери аныкталды