Коом

Баткенде көп балалуу энелер "Баатыр эне" жана "Эне даңкы" сыйлыктарын алышты

Уулжан Бейшенбекова

10 авг. 2026 18:42

Баткен районунда көп балалуу 70 энеге мамлекеттик сыйлыктар тапшырылды. Бул тууралуу Баткен райондук мамлекеттик администрациясынан билдиришти.

Салтанатта 36 энеге "Баатыр эне" ордени, ал эми 34 энеге "Эне даңкы" медалы тапшырылды.

Иш-чарага президенттин Баткен облусундагы ыйгарым укуктуу өкүлүнүн орун басары Максатай Каримбердиева, Баткен районунун акиминин орун басары Сүйүнбай Сатыбалдиев, айыл өкмөттөрүнүн башчылары жана жергиликтүү бийлик өкүлдөрү катышты.

Жетекчилер энелерди сыйлыктары менен куттуктап, алардын үй-бүлөгө, коомго жана мамлекетке кошкон салымын белгилешти. Ошондой эле энелерге мамлекеттик сыйлыктар менен бирге белектер да тапшырылды.

Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!