Баткенде мектеп ачуу жана автобекетти ишке берүү боюнча маселелер каралды
Баткен шаардык кеңешинин VIII чакырылышынын кезексиз XV сессиясы өттү. Бул тууралуу калаа мэриясынан билдиришти.
Маалыматка ылайык, сессияга шаардык кеңештин төрагасы Алтынбек Аширов, Баткен шаарынын мэринин орун басары Алихан Ураимов, депутаттар жана мекеме-ишканалардын жетекчилери катышты.
Күн тартибинде Баткен шаарынын Чет-Булак кварталынын Аэропорт тилкесинде Коомчулукту өнүктүрүү жана инвестициялоо агенттигинин каржылоосу менен курулган 225 орундуу жалпы билим берүү мекемесин ачууга макулдук берүү маселеси каралды.
Ошондой эле Чет-Булак кварталындагы Курманжан Датка көчөсүндө жаңыдан курулган "Баткен-Автобекети" муниципалдык имаратын пайдаланууга берүү жана чарбалык ишкана түзүү маселеси талкууланды.
