Куланак ГЭСинин курулушуна байланыштуу жаңы көпүрө салынууда
Нарын облусунда Куланак ГЭСинин жана каналынын курулушуна байланыштуу жаңы жол жана көпүрө салынууда. Бул тууралуу президенттин аймактагы өкүлчүлүгүнөн билдиришти.
Маалыматка ылайык, курулуш иштери Нарын–Баетов унаа жолунун 33–38-чакырымдар аралыгында, Куланак жана Достук айылдарынын ортосунда жүргүзүлүп жатат.
Облус башчысы курулуштун сапатына өзгөчө көңүл буруп, бардык иштерди белгиленген мөөнөттө жана талаптарга ылайык бүткөрүү боюнча тиешелүү тапшырмаларды берди.
