Кыргызстанда бир күндө үч жер титирөө катталды
Кыргызстанда 9-августта үч жер титирөө катталды. Бул тууралуу Улуттук илимдер академиясынын Сейсмология институту билдирди.
Маалыматка ылайык, биринчи жер титирөө саат 09:33тө болуп, анын күчү болжол менен 3 баллга жеткен. Очогу Кыргызстан менен Өзбекстандын чек арасында, Көчүбаев айылынан 7 чакырым түндүк-батышта жайгашкан. Аймакта силкинүүнүн күчү 2 балл болгон.
Экинчи жер титирөө саат 18:33тө катталып, күчү 3,5 баллга жеткен. Анын очогу Жар-Башы айылынан 6 чакырым түштүк-батышта жайгашкан. Чак, Кулчу жана Шибээ айылдарында силкинүүнүн күчү 2,5 баллды түзгөн.
Үчүнчү жер титирөө саат 21:42де болуп, күчү 3 баллга жеткен. Очогу Нура айылынан 3 чакырым түштүк-батышта жайгашкан. Нура жана Эркечтам айылдарында силкинүүнүн күчү болжол менен 3 балл болгон.
Мындан тышкары, Сейсмология институту 8-августта саат 10:23тө Новопавловка айылынын аймагында күчү 2,5 баллга жеткен жер силкинүү катталганын маалымдады.
