Темир жана Кашат айылдарында селден коргоо иштери күчөтүлүүдө
Өзгөчө кырдаалдар министри Канатбек Чыныбаев Ысык-Көл облусундагы иш сапарынын алкагында Темир жана Кашат айылдарындагы селден коргоочу курулуштардын жүрүшү менен таанышты.
Министрликтин басма сөз кызматы маалымдагандай, Темир айылында узундугу 2 миң 40 метр болгон Арчалуу сел өткөрүүчү канал курулууда. Анын нугуна 11 ички көпүрө салынат.
Долбоор аяктагандан кийин 200дөн ашуун турак үй, 5 гектар айдоо аянты, конок үйлөр, эки ишкана, мөмө-дарактар ички чарбалык жолдор жана Бишкек - Каракол унаа жолунун 600 метрлик бөлүгү селден корголот.
Ал эми Кашат айылында Чоң-Ак-Суу дарыясынын 1 миң метрлик бөлүгүнүн оң жана сол жээктери таш менен бекемделүүдө.
