Коом

Борбордо коомдук жайларда мыйзамга ылайык тынчтыкты сактоо көзөмөлдөнүүдө

Уулжан Бейшенбекова

11 авг. 2026 10:19

Бишкек шаарынын төрт районунда "Тынчтык жөнүндө" мыйзамындын талаптарынын аткарылышын көзөмөлдөө боюнча рейддик иш-чаралар өттү.

Калаа мэриясынын басма сөз кызматы билдиргендей, рейддин жүрүшүндө коомдук тамактануучу жайлар, курулуп жаткан бир катар объектилер жана футбол аянтчалары текшерилди.

Алардын арасында "Сенатор", "Шахноза", "Flo Resto&Bar", "Sky Baku Steak House", "Nox", "Soulist", "Империя пиццы", "Омар Хайям", "Бай Төр", "Улан Стейк", "Ырыскы", "Халва", "Нооруз", "Олимп", "MONARCH", "Мюнхен Паб", "Sushi Room", "Zira" жана башка жайлар бар.

Рейддердин жыйынтыгында мыйзам бузуу фактылары аныкталган жок. Ошол эле учурда мекемелердин администраторлоруна жана жооптуу кызматкерлерине тынчтык тартибин сактоо боюнча түшүндүрүү иштери жүргүзүлдү.

Мэрия жарандарга мыйзамдагы талаптарды эске салды. Ага ылайык, жумуш күндөрү саат 22:00дөн 07:00гө чейин, ал эми дем алыш жана майрам күндөрү саат 22:00дөн 09:00гө чейин тынчтык сакталууга тийиш.

Рейддик иш-чаралар улантылары белгиленди.

Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!