Коом

Кадамжайдагы "Жаштык" кинотеатрында заманбап шарттар түзүлөт

Уулжан Бейшенбекова

11 авг. 2026 12:34

Кадамжай шаарындагы "Жаштык" кинотеатрында оңдоп-түзөө жана жаңылоо иштери жүрүп жатат. Бул тууралуу райондук мамлекеттик админстрациядан билдиришти.

Маалыматка ылайык, имаратты заманбап талаптарга ылайыкташтырылып, шаар тургундары үчүн ыңгайлуу шарттар түзүлөт.

Кадамжай районунун акими Болоткан Баяке уулу жергиликтүү адистер менен биргеликте иштердин сапатын жана аткарылышын текшерип, белгиленген мөөнөттө бүтүрүү боюнча тапшырмаларды берди.

Оңдоп-түзөө иштери аяктагандан кийин "Жаштык" кинотеатры эл көп каттаган маданий жайлардын бирине айланары күтүлүүдө.

Кыргызстандын экономика, бизнес, финансы тармактары боюнча маалыматтарды, ийгиликтүү ишкерлер менен болгон кызыктуу маектерди – Ишкер MEDIA сайтынын Telegram, Facebook, Instagram, Threads, Х жана YouTube каналдарынан окуп, көрүп туруңуздар. Ишкер MEDIA менен Сиз ийгиликке жетишесиз!