Ноокатта Чили-Сай дарыясынын булганышы боюнча текшерүү жүргүзүлдү
Ноокатта Чили-Сай дарыясынын булганышы боюнча жеринде текшерүү жүргүзүлдү. Бул тууралуу райондук админстрациядан билдиришти.
Маалыматка ылайык, текшерүүнүн жүрүшүндө суунун булганышынын себептери, дарыянын экологиялык абалы жана анын жергиликтүү тургундарга тийгизиши мүмкүн болгон таасири талкууланды.
Район башчысы экологиялык коопсуздукту камсыз кылуу жана суу ресурстарынын тазалыгын сактоо маанилүү экенин белгилеп, тиешелүү кызматтарга бир катар тапшырмаларды берди.
Алардын арасында суу булганып жаткан булактарды тез арада аныктоо жана бөгөт коюу, санитардык-экологиялык талаптардын сакталышын көзөмөлдөө, ошондой эле кырдаалды жөнгө салуу боюнча ыкчам чараларды көрүү милдеттери бар.
Чили-Сай дарыясынын булганышына байланыштуу маселе Ноокат райондук мамлекеттик администрациясынын жеке көзөмөлүнө алынды.
