Баткенде эттин баасы көзөмөлдөндү
Баткен шаарында эт азыктарынын баасына мониторинг жүргүзүлүүдө. Бул тууралуу аталган шаардын мэриясынан билдиришти.
Маалыматка ылайык, Баткен шаарынын мэриясынын тиешелүү кызматкерлери Антимонополиялык жөнгө салуу кызматынын өкүлдөрү менен биргеликте шаардагы соода түйүндөрүндө эттин баасын көзөмөлдөп, сатуучуларды бааны негизсиз жогорулатпоого чакырышты.
Учурда шаарда кой этинин 1 килограммы 850 сомдон, уй эти 800 сомдон сатылууда.
Тиешелүү кызматтар эттин баасына үзгүлтүксүз мониторинг жүргүзүп, керектөөчүлөрдүн укуктарын коргоо жана баанын негизсиз өсүшүнө жол бербөө багытында иштерди улантат.
