Бишкектин айрым көчөлөрүндө 25-августта суу өчүрүлөт

25-августта Бишкектин бир катар аймактарында оңдоо иштерине байланыштуу ичүүчү суу берүү убактылуу токтотулат. Бул тууралуу "Бишкексууканал" муниципалдык ишканасы билдирди.

Саат 09:00дөн 21:00гө чейин Политехническая жана Водопроводная көчөлөрүндө ичүүчү суу өчүрүлөт. Буга диаметри 150 мм болгон эки клапанды алмаштыруу иштери себеп болууда.

Ошондой эле саат 10:00дөн 21:00гө чейин Куйручук – Курманжан Датка (мурдагы 7-Апрель) – Молдокулов көчөсүнүн батыш тарабы – Курманжан Датка көчөсү менен чектелген аймакта суу берилбейт. Бул жерде суу түтүгүн алмаштыруу иштери жүргүзүлөт.

Өчүрүү турак үйлөргө, мектептерге, бала бакчаларга, саламаттыкты сактоо мекемелерине жана башка социалдык, тиричилик жана өнөр жай объектилерине тиешелүү.

"Бишкексууканал" тургундарды жана уюмдарды ичүүчү сууну алдын ала камдап алууга чакырат.