Коом

Бишкектин жаңы конуштарын суу жана канализация тармактарына кошуу тапшырылды

Айгерим Качкынбекова

21 авг. 2026 09:34

Бишкек шаарында 2026-жылдын биринчи жарым жылдыгындагы социалдык-экономикалык өнүгүүнүн жыйынтыгы чыгарылып, жылдын экинчи жарымына карата негизги милдеттер белгиленди. Бул маселелер мэриянын коллегиялык отурумунда талкууланды.

Жыйында мэр Айбек Жунушалиев борбор калаада жол инфраструктурасын жаңылоо, эскилиги жеткен канализация жана жылуулук тармактарын модернизациялоо боюнча масштабдуу иштер жүрүп жатканын билдирди.

Ошондой эле административдик-аймактык реформанын алкагында Бишкек шаарына кошулган жаңы конуштарды таза суу жана канализация тармактарына кошуу тапшырылды. Бул иштерди координациялоо мэрдин отун-энергетика комплекси боюнча орун басарынын милдетин аткаруучуга жүктөлдү.

Мындан тышкары, отун-энергетика тармагында кадрдык өзгөрүүлөр болду. "Бишкекжылуулуктармагы" муниципалдык ишканасынын директору болуп Нургазы Курманбеков дайындалды. Ал эми мэрдин отун-энергетика комплекси боюнча орун басарынын милдетин аткаруучу кызмат ордуна мурда энергетика министринин орун басары болуп иштеген Насипбек Керимов дайындалды.

Мэр ошондой эле оңдоо иштеринин создугушуна себеп болуп жаткан айрым курулуш нормаларын жана эрежелерин кайра карап чыгууну тапшырды.

Мындан тышкары окуңуз

Кыргыз дрондору Түркияга жана эл аралык рынокко экспорттолушу мүмкүн

Стамбулда Кыргызстандын "Qarga Group" компаниясы менен Түркиянын "ZENA Elektrik ve Enerji A.Ş." компаниясы энергетикалык инфратүзүмгө учкучсуз аппараттар аркылуу мониторинг жүргүзүү боюнча кызматташтыкты талкуулашты. Экономика жана коммерция министрлигинин басма сөз кызматынын маалыматына ылайык, жолугушууда "Qarga Group" компаниясы энергетикалык объектилерди абадан көзөмөлдөөгө арналган, өзү иштеп

Бишкекте абаны булгаган унаа аныкталып, ишканага айып пул салынды

Бишкекте атмосфералык абаны булгаган автоунаа аныкталып, ал таандык болгон ишканага 23 миң сом айып салынды. Бул тууралуу Жаратылыш ресурстары, экология жана техникалык көзөмөл министрлиги билдирди. Маалыматка ылайык, Экологиялык жана техникалык көзөмөл кызматына шаардын түштүк тарабында автоунаадан коюу кара түтүн чыгып жатканы тууралуу жарандардан маалымат түшкөн. Анын негизинде кызматкерлер милициянын кайгуул

Өлкө боюнча 1 млн тоннадан ашык дан жыйналды

Кыргызстанда түшүм жыйноо иштери уланууда. Бүгүнкү күнгө карата өлкө боюнча 365,9 миң гектар аянттагы дан эгиндери жыйналып, жалпы түшүм 1 млн 69,8 миң тоннаны түздү. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти. Орточо түшүмдүүлүк гектарына 27,6 центнерге жетти. Өткөн жылы бул

Ысык-Көлдөн 3700 метр тор жана 130 кг таштанды чыгарылды

Ысык-Көлдө браконьерликке каршы күрөшүү жана көлдүн экологиялык абалын коргоо максатында өткөн үч күндүк рейдде 3700 метр синтетикалык тор жана 130 килограмм таштанды чыгарылды. Жаратылыш ресурстары, экология жана техникалык көзөмөл министрлигинен билдиришкендей, рейддин негизги максаты – суу биоресурстарын мыйзамсыз пайдаланууга бөгөт коюу, браконьерликтин алдын алуу жана Ысык-Көлдүн экологиялык абалын сактоо.