Оштогу Сары-Могол айылында таза суу түтүктөрү тартылууда
Ош облусунун Памир-Алай айыл аймагына караштуу Сары-Могол айылында калкты таза ичүүчү суу менен камсыз кылуу боюнча курулуш иштери жүрүп жатат. Бул тууралуу Айыл чара министрлигинен билдиришти.
Долбоордун алкагында 1,52 чакырым суу өткөргүч куруу пландалган. Учурда анын 1 чакырымы толугу менен тартылып бүттү.
Мындан тышкары, жалпы узундугу 9,97 чакырымды түзгөн ички суу тармагынын 2,5 чакырымы орнотулду.
Суу сактоочу резервуар курула турган жер тилкесине мамлекеттик акт таризделип, долбоорлоочу уюмга өткөрүлүп берилди.
Учурда курулуш иштерине эки экскаватор, бир атайын техника жана сегиз адис тартылган.
Долбоор Сары-Могол айылынын тургундарын таза ичүүчү суу менен камсыздоого жана айылдагы суу инфраструктурасын жакшыртууга багытталган.
