Ала-Арчанын жээгин булгаган ижарачы айыпка жыгылды
Ала-Арча суу сактагычынын жээгине мыйзамсыз таштанды төгүлгөнү боюнча текшерүү жүргүзүлдү. Бул тууралуу Жаратылыш ресурстары, экология жана техникалык көзөмөл министрлиги билдирди.
Текшерүүгө интернет булактарында тараган маалымат негиз болгон.
Жыйынтыгында Ала-Арча суу сактагычынын биринчи бөлүгүн ижарага алып иштеткен жаранга административдик протокол түзүлүп, 17 миң сом айып пул салынды.
Мындан тышкары, суу сактагычтын аймагында эс алуучуларга жана балыкчыларга таштандыларды белгиленбеген жерлерге таштабоо жана айлана-чөйрөгө аяр мамиле кылуу боюнча түшүндүрүү иштери жүргүзүлдү.
Министрликтин маалыматына ылайык, буга чейин да Ала-Арча суу сактагычынын жээгиндеги мыйзамсыз таштандылар боюнча чара көрүлүп, дагы бир ижарачыга айып салынган.
