Аткезчилик менен ташылган товарлардын наркы 70,2 млн сомду түздү
Кыргызстанда 2026-жылдын башынан бери аткезчиликтин 71 фактысына бөгөт коюлуп, кармалган товарлардын алдын ала баасы 70,2 млн сомдон ашты.
Мамлекеттик чек ара кызматынын маалыматына караганда, 30 учур өткөрмө бекеттерде, 41и чек ара өткөрмө пункттарынан тышкары жерлерде аныкталган.
Мындан сырткары, ЕАЭБдин ички чек аралары аркылуу жалпы баасы 49,2 млн сомдон ашкан эсепке алынбаган жүктөрдү мыйзамсыз өткөрүүнүн 134 учуру катталган.
7 ай ичинде чек ара аркылуу малды мыйзамсыз айдап өтүүгө байланыштуу дагы 63 фактыга бөгөт коюлган. Айрым учурларда мыйзам бузгандар мал өткөрүү үчүн чек арадагы зым тосмолорду кесип, бузууга аракет кылышкан.
