"Бишкек Аренанын" аймагына 300 миңден ашык гүл отургузулду
VI Дүйнөлүк көчмөндөр оюндарынын ачылыш аземи өтө турган "Бишкек Арена" стадионунун аймагында көрктөндүрүү жана жашылдандыруу иштери жүргүзүлүүдө. Бул тууралуу Ленин райондук администрациясынан билдиришти.
Маалыматка ылайык, "Бишкекжашылкурулуш" муниципалдык ишканасынын кызматкерлери стадиондун айланасына 642 түп акация, 3 миң 796 түп бадал жана 300 миңден ашык бир жылдык гүл отургузушту.
Жашылдандыруу иштери аймакты көрктөндүрүп, шаар тургундары жана коноктору үчүн жагымдуу шарттарды түзүүгө багытталган.
Белгилей кетсек, VI Дүйнөлүк көчмөндөр оюндарынын ачылышына карата Ленин районунда аймактарды тазалоо, көрктөндүрүү жана жашылдандыруу иштери уланууда.
