Адылбек Касымалиевге - Эмгек Баатыры наамы, үч жетекчиге Манас ордени ыйгарылды
Президент Садыр Жапаров бир катар мамлекеттик кызматкерлерди мамлекеттик сыйлыктар менен сыйлоо тууралуу жарлыкка кол койду. Жарлыкка ылайык, Министрлер кабинетинин төрагасы Адылбек Касымалиевге "Эмгек Баатыры" артыкчылык даражасы ыйгарылды.
Ал эми I даражадагы "Манас" ордени менен төмөнкү жетекчилер сыйланды:
- Айбек Жунушалиев — Бишкек шаарынын мэри;
- Улан Ниязбеков — ички иштер министри;
- Каныбек Туманбаев — президенттин иш башкаруучусу.
Ошондой эле Министрлер кабинетинин төрагасынын орун басары Улан Маматканов III даражадагы "Манас" ордени менен сыйланды.
Белгилей кетсек, "Манас" ордени Кыргызстандын жогорку мамлекеттик сыйлыктарынын бири болуп саналат. Ал үч даражадан турат, алардын ичинен I даража эң жогорку болуп эсептелет.
Мындан сырткары "Кыргыз Республикасынын эл артисти" ардак наамына - Атабеков Мирбек Бообекович татыды. Мындан сырткары "Даңк" ордени жана "Ардак" медалы бир катар инсандарга ыйгарылды. Толук тизме бул жерде:
