Манастагы №21 мектептин жаңы корпусу сентябрда пайдаланууга берилет
Манас шаарынын Достук кичи районундагы №21 Ж. Болотов атындагы мектепке 375 орундуу жаңы окуу корпусу курулууда. Бул тууралуу Курулуш, архитектура жана турак жай-коммуналдык чарба министрлиги билдирди.
Долбоорго ылайык, жаңы окуу корпусу үч кабаттан турат. Анда окуучулардын билим алуусу үчүн бардык зарыл шарттар каралган.
Учурда объектте курулуш-монтаждоо иштери аяктоо алдында турат. Жаңы корпусту сентябрь айында, жаңы окуу жылынын башталышына карата пайдаланууга берүү пландалууда.
Жаңы имараттын ачылышы мектептеги орун тартыштыгын азайтып, окуучулар үчүн заманбап жана ыңгайлуу шарттарды түзүүгө мүмкүнчүлүк берет.
