2-сентябрда Ысык-Көл облусунун Ысык-Көл районунда жааган жаандын кесепетинен тоодон түшкөн кыян суулары көпүрөдөн ашып, Балыкчы – Ананьево – Каракол унаа жолунун 35-чакырымын каптады.
ӨКМдин маалыматына ылайык, окуя болжол менен саат 15:00 чамасында Тамчы айылында болгон. Алдын ала маалымат боюнча, жабыркагандар жок.
Учурда жол каттамы ачык. Атайын техникалар тазалоо иштерин улантууда.
Экономика жана коммерция министри Бакыт Сыдыков 2-сентябрда Черногориянын туризм министри Симонида Кордич менен жолугушту. Бул тууралуу министрликтин басма сөз кызматы билдирди. Жолугушууда тараптар эки өлкөнүн соода-экономикалык байланыштарынын учурдагы абалын жана келечегин талкуулашты. Ошондой эле туризм тармагындагы кызматташтыкты кеңейтүүгө көңүл бурушту. Атап айтканда, туристтик агымды көбөйтүү, туристтик инфратүзүмдү өнүктүрүү
VI Дүйнөлүк көчмөндөр оюндарында медициналык кызмат үзгүлтүксүз көрсөтүлүүдө. Бул тууралуу Саламаттык сактоо министрлигинин басма сөз кызматы билдирди. Маалыматка ылайык, 27-августтан 2-сентябрга чейин оюндар өтүп жаткан аймактарда 507 адам медициналык жардам алуу үчүн кайрылган. Катышуучуларга, конокторго, көрүүчүлөргө жана кызматкерлерге жардам көрсөтүү үчүн негизги аянтчаларда медициналык жайлар, тез жардам жана
Кениядан Кыргызстанга импорттолгон розалардан карантиндик зыянкеч – калифорниялык трипс аныкталды. Бул тууралуу Айыл чарба министрлигине караштуу Өсүмдүктөрдү химиялаштыруу, коргоо жана карантин департаментинен билдиришти. Департаменттин Борбордук лабораториясы жүргүзгөн изилдөөлөрдүн жыйынтыгында зыянкеч Кениядан келген 26 миң 390 даана кесилген розадан алынган үлгүлөрдөн табылган. Калифорниялык трипс Евразия экономикалык биримдигинин аймагында карантиндик мааниге ээ зыянкечтердин
Мамлекеттик салык кызматы Ош шаарында жүргүзүлгөн рейддик салыктык көзөмөл учурунда жасалма акциздик маркалары бар алкоголсуз суусундуктарды аныктады. Салык кызматынын маалыматына ылайык, алкоголсуз продукция өндүргөн объектти текшерүүдө жасалма акциздик марка чапталган 2670 даана суусундук табылып, тартып алынды. Бул факт боюнча тиешелүү акт түзүлүп, материалдар укуктук баа берүү үчүн укук коргоо органдарына