Биздин чет өлкөлөрдө эс алуубузга салыштырмалуу туристтер Кыргызстанда 1,9 эсе көп каражат коротушту
Кыргызстандыктар өздөрү чет өлкөлөрдө эс алуу үчүн короткон каражаттарга караганда туристтер республикабызда 1,9 эсеп көп каражат коротушту. Улуттук статистикалык комитеттин маалымдамасында ушундайча айтылат.
Аталган комитеттин бидиргенине караганда, туристтердин Кыргызстанда короткон каражаттарынын көлөмү 528, 3 миллион долларды түздү. Бул 2025-жылдын биринчи жарым жылдыгынын деңгээлинде. Биздин атуулдар чет өлкөлөрдө 284,8 миллион коротушту (өсүш 0,3 пайыз).
Кыргызстандын туризм тармагында 2026-жылдын 1-июлунда 158, 2 миң чарба субъектилери иштеген. Негизинен алар Бишкек жана Ош шаарларында жана 2 областта – Ош, Чүйдө жайгашкан. Рекреация жана эс алуу тармагында 26, 2 миң субъект кызмат көрсөткөн.:
- Бишкек - 8, 1 миң (23 пайыз).
- Ысык-Көл облусу -2,3 миң (13,2 пайыз).
Туризм жаатындагы кызмат көрсөткөн жеке ишкерлер 139,9 миң адам. Конок үй жана отелдерде жарым жыл ичинде 682 миң адам токтогон, бул 2025-жылга салыштырмалуу 48,5 пайызга көп.
Тосуп алуу жана кызмат көрсөтүүдө биринчи жарым жылдыкта 604 уюм иштеген. Алардын ичинде 367 конок үйү, 99 санатория, пансионаттар, эс алуу базалары, 12 жаратылыш паркы жана коруктар бар.
Инвестиция жана көрсөтүлгөн кызматтар
Туризм объектилерин куруу, кайра куруу жана оңдоп-түзөөгө биринчи жарым жылда 15, 9 миллиард сом жумшалды. Бул өткөн жылга салыштырмалуу 1,3 эсеге көп. Алардын өлчөмү инвестициялардын жалпы көлөмүнүн 7,8 пайызын түзүп, өткөн жылга караганда 9,7 пайыз көп.
Туристтик жана аны коштогон кызмат көрсөтүүлөрдүн көлөмү жана динамикасы: 6 ай ичинде
- Ресторандар жана тамактануучу жайлар жыл башынан тартып 6 ай ичинде 9 миллиард сомго кызмат көрсөткөн.
- Туристтерди ташуу 18,1 пайызга жогорулап, 6,7 миллиард сом алып келди.
- Мейманканалар жана кыска убакытка токтоочу жайлар 4 миллард сомго кызмат көрсөтүштү ( 16,4 пайыз көп).
- Сантория-курорттук кызматтар 0,5 пайызга өсүп, 682,3 миллион сом алып келген.
