Нарында мыйзамсыз жайыт курулушу буздурулду
Нарын облусунда суу ресурстарын пайдалануу үчүн 1 млн 225 миң 331 сом төлөм түшүп, жайыт жерине мыйзамсыз курулган мал сарайы буздурулду. Бул тууралуу Айыл чарма министрлиги кабарлады.
Маалыматка ылайык, Жумгал районунун "Миң-Куш" тилкесинде кен казуу иштерин жүргүзгөн ишканалар 2026-жыл үчүн суу ресурстарын пайдалангандыгы үчүн белгиленген төлөмдөрдү төлөштү.
Төлөмдөр суу эсептегичтердин көрсөткүчтөрүнө жана техникалык долбоордо көрсөтүлгөн көлөмгө ылайык жүргүзүлгөн.
Мындан тышкары, президенттин №109 Жарлыгын аткаруунун алкагында Ат-Башы районундагы Чой-Жап өрөөнүндө жайыт жерлеринин пайдаланылышы текшерилди.
Текшерүүнүн жүрүшүндө жайыт жерине мыйзамсыз курулган мал чарба сарайы аныкталып, тиешелүү чаралар көрүлгөндөн кийин буздурулду.
Күндүн негизги жаңылыктары — Telegram каналыбызда
Каналга катталуу
