Бишкек ЖЭБи туруктуу иш алып барууда
Абанын температурасынын төмөндөшү күтүлүп жаткандыгына байланыштуу "Бишкек ЖЭБ" муниципалдык ишканасы штаттык режимде ишин улантып, Бишкек шаарынын тургундарын жылуулук жана электр энергиясы менен үзгүлтүксүз камсыз кылууда.
Мэриянын маалыматына ылайык, станциянын үзгүлтүксүз иштешин камсыз кылуу максатында негизги жана көмөкчү жабдуулардын абалына туруктуу көзөмөл жүргүзүлүүдө.
Ошондой эле мүмкүн болгон авариялык кырдаалдарга ыкчам чара көрүү үчүн ишкананын авариялык бригадалары толук даярдыкта турат.
Ишкананын бардык өндүрүштүк кызматтары штаттык режимде иштеп, абанын температурасы төмөндөгөн мезгилде станциянын туруктуу иштешин камсыз кылуу үчүн бардык зарыл чаралар көрүлүүдө.
Жалпысынан Бишкек ЖЭБинде 15 казан агрегаты, туурасынан байланышкан 7 турбоагрегат жана №3, №4 эки энергоблок орнотулган. Алардын ичинен 8 казан агрегаты жана 4 турбоагрегат иштеп жатат.
Күндүн негизги жаңылыктары — Telegram каналыбызда
Каналга катталуу
