Жалал-Абад облусунда калктын 38%ы турак жайын камсыздаган
Кыргызстанда турак жайды камсыздандыруу боюнча өлкөнүн түштүк аймактары эң активдүү экенин "Биринчи радионун" эфиринде "Мамлекеттик камсыздандыруу уюму" ААКнын Камсыздандыруу жана кайра камсыздандыруу департаментинин директору Актан Турумбеков билдирди.
Анын айтымында, түштүк облустардын тургундары жаратылыш кырсыктарына көп туш болгондуктан, турак жайды камсыздандырууга жоопкерчиликтүү мамиле жасашат.
Мисалы, аймактарда камсыздандыруу менен камтуу деңгээли төмөнкүдөй:
- Жалал-Абад облусу — 38%дан ашык,
- Ош облусу — 33%,
- Баткен облусу — 27%,
- Талас жана Нарын облустары — 29%дан ашык.
Түндүк аймактарда бул көрсөткүчтөр төмөн:
- Бишкек — болжол менен 25%,
- Чүй облусу — 20%га жакын.
Турумбеков бул статистика жаратылыш кырсыктары көп болгон аймактар мүлкүн тобокелдиктерден коргоо үчүн турак жайды активдүү камсыздандырып жатышканын аныктарын белгиледи.
Ал ошондой эле өткөн жылдан тарта турак жайды милдеттүү камсыздандыруусуз кыймылсыз мүлк менен эч кандай операцияларды жүргүзүүгө мүмкүн болбогон өкмөттүн токтому күчүндө экенин эске салды.
