Бишкектеги турак үйлөрдүн 1 чарчы метри орточо 176 млн сомдон жогору
Ноябрь айында Бишкек шаарында кыймылсыз мүлктүн 1 чарчы метринин орточо баасы сегменттер боюнча олуттуу айырмаланганын Жер ресурстары боюнча агенттиктин маалыматы көрсөттү. Эң жогорку көрсөткүчтөр турак үйлөр сегментинде катталган, ал эми эң төмөнкү баалар социалдык жана административдик кыймылсыз мүлккө тиешелүү.
Бишкек шаарында 1 чарчы метрдин орточо баасы сом менен:
- Турак жай үй — 176 131,28
- Квартира — 106 607,55
- Коммерциялык кыймылсыз мүлк — 94 818,46
- Өндүрүштүк — 49 921,85
- Административдик — 39 080,82
- Социалдык — 37 948,37
Турак үйлөрдн 1 чарчы метри батирлерге салыштырмалуу 69 523,73 сомго кымбат. Бул жеке үйдөгү 1 чарчы метрдин баасы квартирага караганда болжол менен 1,65 эсе жогору экенин билдирет.
Батирлер сегментинде орточо баа коммерциялык кыймылсыз мүлккө салыштырмалуу 11 789,09 сомго жогору. Бул турак жай рыногунда суроо-талаптын туруктуу экенин жана баа деңгээли жогорку планкада экенин көрсөтөт.
Турак үйлөр менен социалдык кыймылсыз мүлктүн ортосундагы айырма чарчы метрине 138 182,91 сомду түзөт. Башкача айтканда, турак үйдөгү 1 чарчы метр орточо эсеп менен социалдык объектке караганда 4,64 эсе кымбат.
