"РЦА Ливинг" компаниясына кошумча 0,8 гектар жер бөлүнүп берилди
"РЦА Ливинг" компаниясына Бишкек шаарында курулуп жаткан ири турак-жай комплекси үчүн кошумча 0,8 гектар жер бөлүнүп берилди. Бул Бишкек шаарынын бюджетине дагы 1 млн доллардан ашык каражат алып келет. Мындай маалымат Өкмөтүн токтомунда белгилүү болду.
Азыр инвесторлордун ижарага алган жердин жалпы аянты 54,3 гектарга жетти, ал эми 49 жылдык мөөнөткө жерди пайдалануу үчүн Бишкекке төлөнө турган жалпы сумма 68,01 млн долларды түзөт.
Эскерте кетсек, сөз мурдагы Бишкек шаардык ат майданындагы участогу жөнүндө болуп жатат. Бул долбоор шаар ичиндеги эң чоң турак-жай комплекси болуп саналат.
