Экс-депутат К. Самаковго таандык 10 гектар жер үй куруу үчүн трансформацияланат
МинКаб Байтик Баатыр айыл аймагы аймагындагы 10 гектар жерди айыл чарба багытындагы жер категориясынан калктуу конуштардын жер категориясына өткөрдү. Тиешелүү №208 токтом 2026-жылдын 31-мартында кабыл алынган.
Документке ылайык, ал жер Карганбек Самаковго таандык. (ЖК КРнын V чакырылышынын мурдагы депутаты). Сөз №202 контур (аянты 4,37 га) жана №411 контур (аянты 5,63 га) тууралуу болуп жатат.
Токтомдо белгиленгендей, бул чечим Чүй облусундагы Байтик Баатыр айыл аймагында көп кабаттуу турак үйлөрдү куруу максатында кабыл алынган.
Аламүдүн райондук мамлекеттик администрациясына төмөнкү тапшырмалар жүктөлдү:
- жер-эсепке алуу документтерине өзгөртүүлөрдү киргизүү
- жер тилкелерин максаттуу пайдаланууну камсыз кылуу
- курулуш нормаларын сактоо менен шаар куруу документтерин иштеп чыгуу
Ошондой эле райондук бийлик жаан-чачын жана кар сууларын коопсуз агызууну, сейсмикага каршы чараларды, экологиялык жана санитардык талаптарды сактоону, тарыхый-маданий мурастарды коргоону камсыз кылууга тийиш.
Казуу жана курулуш иштерин жүргүзүүдө археологиялык көзөмөл үчүн археолог тартылышы керек.
Мындан тышкары, токтомдо:
- айыл чарба өндүрүшүнүн жоготууларын жана колдон чыгарылган пайданы компенсациялоо;
- жер максатсыз колдонулса же пайдаланылбаса, аны баштапкы абалына келтирүү чаралары каралган.
