ЖИ ашпозчусу Дубай ресторанында башкы ашпозчу болот
Дубайдагы Woohoo ресторанында эми тамакты жасалма интеллект - “Ашпозчу Айман” даярдарын Известия басылмасынын маалыматына шилтеме кылуу менен “Кабар” агенттиги жазды.
Жасалма интеллекттин ашпозчусу миңдеген рецепттер жана даам айкалыштары камтылган чоң маалыматтардын негизинде окутулган. Футуристтик концепциядагы ресторан быйыл сентябрда ачылып, “гастрономиянын келечеги” катары сунушталып жатканы айтылат маалыматта.
Ресторандын ээси Ахмет Ойтун Чакыр чыгармалык кризис учурунда ChatGPT`ден жаңы тамак ойлоп табууну суранган. Нейротармак ага татымал кошулган козу этинин рецептин сунуштаган. Даярдалган тамак өзгөчө жактырылып, дароо менюга киргизилген.
“Ашпозчу Айман” - БАЭдеги Vivid Studios компаниясы иштеп чыккан Umai моделине негизделген санарип аватар. Ал көз айнек таккан орто жаштагы эркек кишинин футуристтик образында түзүлгөн. Жасалма интеллект ашкананы толук көзөмөлдөп, рецепттер жана ингредиенттер боюнча чоң маалыматтарды колдонуп, жаңы даамдарды жаратат.
Бирок, айрым эксперттер технологияга сокур ишеним кылуу өтө кымбатка турган жоготууларды алып келиши мүмкүн экенин да айтышат.
