D Billions командасы маданият, маалымат жана жаштар саясаты министри тарабынан сыйланды
Маданият, маалымат жана жаштар саясаты министри Мирбек Мамбеталиев Кыргызстандын креативдүү индустриясын өнүктүрүүгө кошкон салымы үчүн D Billions креативдүү командасынын катышуучуларына сыйлыктарды тапшырганын министрликтин басма сөз кызматы билдирди.
Сыйлык тапшыруу учурунда министр команда мүчөлөрү менен баарлашып, алардын чыгармачылык ишмердүүлүгүнө жогору баа берип, мындан аркы иштерине ийгиликтерди каалады.
D Billions — балдар үчүн музыкалык жана анимациялык контент жараткан, эл аралык деңгээлде таанылган креативдүү команда. Алардын видеороликтери дүйнөнүн ондогон өлкөлөрүндө көрүлүп, миллиондогон көрүүчүлөргө ээ болуп, кыргыз креативдүү индустриясын дүйнөлүк деңгээлде жайылтууга олуттуу салым кошуп келет.
D Billions командасынын так жылдык бюджети ачыкка чыга элек. Бирок YouTube платформасынан түшкөн кирешеге байланыштуу баалоо боюнча айына жүз миңдеген доллардан 1 миллион долларга чейин жетет. Айрым булактарда алардын жалпы байлыгы болжол менен 47,8 млн долларга бааланган.
Ошол эле учурда контентти жаратуучулардын өздөрү бул көрсөткүчтөр ашыра бааланганын белгилешет. Алардын айтымында, мындай айырмачылык чоңдор үчүн жана балдар үчүн арналган контенттин монетизациясы ар башка болгондугуна байланыштуу.
