Кыргызстанда 2025-жылы кайсыл тасмалар "акчалуу" болду?
2025-жылы кыргызстандык фильмдер "Синематика" кинотеатрлар тармагынын дүң кирешесинин 46%ын камсыздаганын Kaktus.mediaга тармактын коммерциялык директору жана КРнын кинотетр кожоюндары ассоциациясынын төрагасы Гулькаир Тиленбаева билдирип, кыргыз киносуна болгон позициялардын чыңдалып жатканын белгиледи.
Жаңылыктарга ылайык, январдан декабрга чейин төрт кинотеатрда эң көп киреше тапкан фильмдер:
- "Зверополис-2"
- "Напарниктер-3"
- "Формула-1"
"Ошондой эле кыргызстандык "Ашыгым", "Керексиң" жана "Битир" фильмдери да жакшы көрсөткүчтөргө ээ болду",- деп кошумчалады Тиленбаева.
Ал белгилегендей, "Зверополис-2" IMAX форматында көрсөтүлөт, анда билет баасы кымбатыраак: бир билет кыргыз фильминин эки билетинин баасына тете болушу мүмкүн.
"Кинотеатрлар тармагындагы касса маалыматы сатылган билеттердин жалпы баасын көрсөтөт. Бирок көрүүчүлөрдүн саны боюнча, чет өлкөлүк жана кыргыз фильмдери бирдей деңгээлде", — дейт ал. Ал кыргыз киносу өлкөдөгү прокат базарында олуттуу үлүшкө ээ экенин жана көрүүчүлөрдүн улуттук киного кызыгуусу жылдан жылга өсүп жатканын белгиледи.
Эгер өлкө боюнча карасак, "Кыргызтасс" маалымат агенттигинин маалыматына ылайык, 2025-жылдын абсолюттук лидери — "Кудай сактасын", экинчи орунда — "Битир", үчүнчү орунда — "Керексиң". Андан кийин "Напарниктер-3" жана "Каражаным" фильмдери турат.
2024-жылы эң ийгиликтүү фильм "Бейиш эненин таманында" болуп, андан кийин "Аяш 4", "Моана-2", "Веном-2" жана "Такси" фильмдери келген.
