Польша жана Казакстан алтын сатып алуу боюнча дүйнөлүк лидер болду

Польша жана Казакстан алтын сатып алуу боюнча дүйнөлүк лидер болду

2025-жылы алтын сатып алуу боюнча Польшанын Улуттук банкы лидер болду. Ал өзүнүн алтын резервин 95 тоннага көбөйткөн. Экинчи орунда Казакстандын Улуттук банкы, анын өсүшү 49 тоннаны түзгөн. Бул маалыматтар Дүйнөлүк алтын кеңешинин (World Gold Council) материалдарында келтирилген.

Адистер белгилегендей, өткөн жылдын ноябрь айында дүйнөнүн борбордук банктары алтын резервдерин активдүү толуктоону улантып, 45 тонна баалуу металл сатып алышкан. Октябрь айына салыштырмалуу сатып алуулар бир аз азайганына карабастан, жалпы деңгээли туруктуу жана жогору бойдон калган.

Регуляторлор тарабынан алтынга болгон суроо-талап туруктуу сакталган. 2025-жылдын 11 айында таза сатып алууларды кошкондо жалпы көлөм 297 тоннага жеткен.

Ноябрь айында эң ири өсүштү төмөнкү борбордук банктар көрсөткөн:

  • Польша — +12 тонна
  • Бразилия — +11 тонна

Мындан тышкары активдүү сатып алуучулардын катарында:

  • Өзбекстан — +10 тонна
  • Казакстан — +8 тонна
  • Кыргызстан жана Чехия — ар бири +2 тонна

Ал эми Кытай Эл Банкы жана Индонезия Банкы алтын резервдерин 1 тоннадан көбөйткөн.

Эскерте кетсек, алтын АКШ долларын артта калтырып, дүйнөдөгү эң ири резервдик активге айланды. Бул өзгөрүү дүйнөлүк финансылык рыноктордогу туруксуздук шартында борбордук банктардын алтын резервдерине болгон кызыгуусу күчөп жатканын айкын көрсөтөт.

Күндүн негизги жаңылыктары — Telegram каналыбызда Каналга катталуу

Мындан тышкары окуңуз

Кызыктуу

Акыркы жаңылыктар

Баары

Улуттук банк FinConference 2026 конференциясына катышты

Дайджест: Өлкөдө бир аптада орун алган маанилүү окуялар

Ишкерлердин бир катар категориясы фискалдык программалык камсыздоого милдеттендирилет

Улуттук банк гросстук эсептешүү системасына кошуу шарттарын тактоону сунуштайт

Жайылда таштанды үчүн компанияга 17 миң сом айып салынды