ChatGPT платформасында жарнаманы тестирлөө башталат
OpenAI компаниясы жакынкы убакта АКШда акысыз тарифтерди колдонгон жана ChatGPT Go колдонуучуларынын арасында жарнаманы тестирлөө башталарын билдирди.
Компаниянын маалыматына ылайык, жарнама көбүрөөк колдонуучуларга жасалма интеллект куралдарын азыраак чектөөлөр менен же таптакыр акысыз колдонууга мүмкүнчүлүк берүү максатында киргизилүүдө.
OpenAI компаниясы төмөнкүлөрдү убада кылды: тестирлөө учурунда өзүнүн жашы 18ге чыга элек экенин көрсөткөн аккаунттарда жарнама көрсөтүлбөйт. Мындан тышкары, жарнамалар саламаттык сактоо же саясат сыяктуу аяр мамиле кылуучу же жөнгө салынган темалардын жанында жайгаштырылбайт.
Ошондой эле компания ChatGPT колдонуучуларынын маалыматтары жана кат алышуулары жарнама берүүчүлөргө сатылбай турганын жана жарнама нейротармактын жоопторуна таасир этпей турганын билдирди.
