Кытай калкы 2025-жылы 3,39 млн адамга азайган
Кытайдын калкы 2025-жылы азайып, калктын картайышы уланып жатканы Кытай Эл Республикасынын Улуттук статистика бюросунун отчетунан маалым болду.
2025-жылдын аягына карата Кытайдын калкы 1 млрд 404,89 млн адамды түздү, бул 2024-жылдын аягындагы көрсөткүчтөн 3,39 млн адамга аз.
Статистикага ылайык:
- 2025-жылы 7,92 млн бала жарыкка келген, ал эми 2024-жылы 9,54 млн бала төрөлгөн;
- Төрөт көрсөткүчү 1 миң адамга 5,63 баланы түзгөн;
- 2025-жылы 11,31 млн адам, 2024-жылы 10,93 млн адам каза болгон;
- Өлүм көрсөткүчү 1 миң адамга 8,04;
- Калктын табигый азайышы 1 миң адамга 2,41;
- Эркектер — 716,85 млн, аялдар — 688,04 млн.
Калктын картайышы тез жүрүүдө:
- 60 жаштан жогорку калктын саны 323,38 млн адам, жалпы калктын 23%ы;
- Шаар тургундарынын саны 953,8 млн адамга жетип, жалпы калктын 67,9%ын түздү (шаар тургундарынын саны 10,3 миллионго өстү);
- Айыл жергесиндеги калк 451,09 млн адамга азайып, 13,69 млн адам кыскарды.
Reuters агенттигинин байкоосу боюнча, Кытайдын калкы төртүнчү жыл катары менен азайууда, жана өткөн жылы калктын азайыш темпи эң жогорку деңгээлде болду. Төрөт көрсөткүчү акыркы ондогон жылдардын эң төмөнкү деңгээлинде. Демографиялык тенденциялар Пекиндин ички керектөөнү көбөйтүү пландарына тоскоолдук жаратууда.
