Кызыктуу

Гүлжигит Алыкуловдун трансфердик баасы 2025-жылы 800 миң еврого чыкты

Ишкер Media

21 янв 2026 15:41

Кыргызстандын улуттук курама командасынын футболчусу Гүлжигит Алыкулов карьерасын расмий түрдө Беларусь Республикасынын жогорку лигасында ойноочу "Динамо – Минск" клубунда улантарын Кыргыз футбол союзу (КФС) маалымдады.

Өткөн жылдын январь айында Алыкулов Москва шаарындагы "Торпедо" клубуна өткөн. Ал бул команданын курамында Россиянын Биринчи лигасында 2026-жылдагы кышкы трансфер мезгилине чейин ойноп, андан кийин "Динамо – Минск" клубуна кошулган. Биздин маалыматтарга ылайык, жаңы клуб менен түзүлгөн келишим 2026-жылдын аягына чейин жарактуу.

Эске салсак, Гүлжигит Алыкулов буга чейин да Беларусь чемпионатында ойногон тажрыйбага ээ. Ал 2023–2024-жылкы сезондордо Гродно шаарындагы "Неман" клубунун курамында ойноп, Беларусь чемпионатынын күмүш байгесин жана өлкө Кубогун жеңип алган. Ошондой эле 2024-жылкы сезондун жыйынтыгында клубдун мыкты оюнчусу деп табылган.

2019-жылдан бери Гүлжигит Алыкулов Кыргызстандын улуттук курама командасында туруктуу оюн көрсөтүп келет. Анын эсебинде 47 оюн жана 6 гол бар.

Футболчулардын трансфердик баасын баалаган немис порталы Transfermarkt’тын маалыматына ылайык, 2025-жылдын башында Алыкуловдун баасы болжол менен 800 миң еврону түзүп, ал "Торпедо" клубундагы эң кымбат оюнчулардын бири болгон.

Ал эми 2026-жылдын башына карата анын учурдагы трансфердик баасы болжол менен 450 миң евро деп бааланууда.

Мындан тышкары окуңуз

BAKAI S&P Global CSA ESG баалоосунда 71 упай алып, дүйнөлүк банк секторунун алдыңкы 9%ына кирди

BAKAI туруктуу өнүгүү боюнча жыл сайын өткөрүлүүчү эл аралык S&P Global Corporate Sustainability Assessment (CSA) баалоосунун жыйынтыгын жарыялайт. 2026-жылдын 6-октябрында расмий берилген баалоонун жыйынтыгы боюнча Банк мүмкүн болгон 100 упайдын ичинен 71 упай алды. Бул 2025-жылдагы көрсөткүчтөн 14 упайга жогору. S&P Global CSA

Кыргызстанда тогуз айда 39 миңден ашык пенсиялык иш кароого алынды

2026-жылдын январь–сентябрь айларында Кыргызстандын Социалдык фонду 39 261 пенсиялык ишти кароого алды. Бул тууралуу аталган мекеменин басма сөз кызматынан кабарлашты. Маалыматка ылайык, сентябрь айында 2 759 жаранга пенсия жаңыдан чектелген. Ошондой эле 596 пенсионердин пенсиясы кайра эсептелген. Кайра эсептөө эмгек стажы, эмгек акысы, окуусу жана майыптыгына байланыштуу кошумча

Кыргызстанда статистикалык маалыматтарды топтоодо ЖИ технологиялары колдонулушу мүмкүн

Армениянын Ереван шаарында КМШга мүчө мамлекеттердин статистикалык кызматтарынын жетекчилеринин кеңешинин 76-отуруму жана “Статистикадагы жаңы усулдар жана технологиялар” аттуу IV эл аралык статистикалык форум өттү. Иш-чараларга Кыргызстандын Улуттук статистика комитетинин төрагасы Бактыбек Кудайбергенов катышты. Улуттук сатитстика комитетинин маалыматына караганда, иш-чаранын жүрүшүндө статистикалык маалыматтарды даярдоодо мамлекеттик маалымат тутумдарындагы маалыматтарды

12-октябрда Бишкек жана ага жакын айрым жерлеринде электр жарыгы өчүрүлөт

12-октябрда электр тармактарынын ишенимдүүлүгүн жогорулатуу максатында Бишкек шаарында жана ага жакын аймактарда оңдоо жана техникалык тейлөө иштери жүргүзүлөт. Буга байланыштуу айрым көчөлөрдө жана конуштарда электр энергиясы убактылуу өчүрүлөт. “Улуттук электр тармактары” ААКтын Бишкек электр тармактары ишканасынын маалыматына ылайык, иштер Чыгыш, Батыш, Түндүк жана Аламүдүн райондук электр тармактары тарабынан жүргүзүлөт.