Кызыктуу

Кыргызстанга 2025-жылы 21 миллионго жакын чет өлкөлүк кирген

Ишкер Media

23 янв 2026 13:08

Кыргызстанга 2025-жылы 20 млн 978 миң 965 жаран чет өлкөлүк жаран кирген. Бул 2024-жылга салыштырмалуу 18,6%га көп экенин Чек ара кызматы 23-январдагы маалыматтарына шилтеме кылуу менен "Азаттык" жазды.

Маалыматта 2024-жылы 17 млн 682 миң 929 чет өлкөлүк кирген болсо, 2023-жылы бул көрсөткүч 17 млн 480 миң 097 адам болгону көрсөтүлгөн.

Чек ара кызматынын маалыматына караганда 2025-жылы Кыргызстандын мамлекеттик чек арасы аркылуу жалпы (кыргызстандыктар да, чет элдиктер да) 37 млн 50 миң 223 адам кирип чыккан. Анын ичинен 18 млн 574 миң 22 адам кирген болсо, 18 млн 476 миң 201 киши Кыргызстандан сыртка чыккан.

Ошондой эле мамлекеттик чек ара аркылуу 3 млн 260 миң 642 транспорт каражаты өтсө, анын ичинде 1 млн 690 миң 357 унаа өлкөгө кирген.

Мекеме ошондой эле чек ара жана миграция мыйзамдарынын сакталышына катуу көзөмөл жүргүзүлгөнүн белгиледи. Ага ылайык, 2025-жылы документтери талапка жооп бербеген 28 миң 593 адам аныкталып, алардын ичинен 28 миң адам чек арадан өткөрүлгөн эмес. Өлкөдө болуу эрежелерин бузганы үчүн 2 миңден ашуун чет өлкөлүк жаран депортацияланган.

Кыргызстанда жүргөн чет элдик жарандардын көбү куруу жана тигүү тармагында эмгектенет. Мамлекеттен өлкө аймагында иштөөгө квота алгандардын саны 36 миң. Алардын 15 миңи Кытайдын, 3,8 миңи Пакистандын, калганы Түркия, Бангладеш жана башка өлкөлөрдүн жарандары.

Өкмөттүн тиешелүү тескемесине ылайык, 2025-жылы чет өлкөлүк жана жарандыгы жок адамдарга 42 миң квота берилген. 2024-жылы Кыргызстанга келип иштейм деген чет элдиктерге 25 миң квота бекитилген.

Мындан тышкары окуңуз

BAKAI S&P Global CSA ESG баалоосунда 71 упай алып, дүйнөлүк банк секторунун алдыңкы 9%ына кирди

BAKAI туруктуу өнүгүү боюнча жыл сайын өткөрүлүүчү эл аралык S&P Global Corporate Sustainability Assessment (CSA) баалоосунун жыйынтыгын жарыялайт. 2026-жылдын 6-октябрында расмий берилген баалоонун жыйынтыгы боюнча Банк мүмкүн болгон 100 упайдын ичинен 71 упай алды. Бул 2025-жылдагы көрсөткүчтөн 14 упайга жогору. S&P Global CSA

Кыргызстанда тогуз айда 39 миңден ашык пенсиялык иш кароого алынды

2026-жылдын январь–сентябрь айларында Кыргызстандын Социалдык фонду 39 261 пенсиялык ишти кароого алды. Бул тууралуу аталган мекеменин басма сөз кызматынан кабарлашты. Маалыматка ылайык, сентябрь айында 2 759 жаранга пенсия жаңыдан чектелген. Ошондой эле 596 пенсионердин пенсиясы кайра эсептелген. Кайра эсептөө эмгек стажы, эмгек акысы, окуусу жана майыптыгына байланыштуу кошумча

Кыргызстанда статистикалык маалыматтарды топтоодо ЖИ технологиялары колдонулушу мүмкүн

Армениянын Ереван шаарында КМШга мүчө мамлекеттердин статистикалык кызматтарынын жетекчилеринин кеңешинин 76-отуруму жана “Статистикадагы жаңы усулдар жана технологиялар” аттуу IV эл аралык статистикалык форум өттү. Иш-чараларга Кыргызстандын Улуттук статистика комитетинин төрагасы Бактыбек Кудайбергенов катышты. Улуттук сатитстика комитетинин маалыматына караганда, иш-чаранын жүрүшүндө статистикалык маалыматтарды даярдоодо мамлекеттик маалымат тутумдарындагы маалыматтарды

12-октябрда Бишкек жана ага жакын айрым жерлеринде электр жарыгы өчүрүлөт

12-октябрда электр тармактарынын ишенимдүүлүгүн жогорулатуу максатында Бишкек шаарында жана ага жакын аймактарда оңдоо жана техникалык тейлөө иштери жүргүзүлөт. Буга байланыштуу айрым көчөлөрдө жана конуштарда электр энергиясы убактылуу өчүрүлөт. “Улуттук электр тармактары” ААКтын Бишкек электр тармактары ишканасынын маалыматына ылайык, иштер Чыгыш, Батыш, Түндүк жана Аламүдүн райондук электр тармактары тарабынан жүргүзүлөт.