Айыл чарба министрлиги дары-дармектик өсүмдүктөрдү өстүрүүнү сунуш кылды
Айыл чарба министрлиги фермерлерге айыл чарба жерлеринде дары-дармектик өсүмдүктөрдү өстүрүүгө уруксат берүүнү сунуштоодо. Бул максатта Министрлер Кабинети 22-январда тиешелүү мыйзам долбоорун Жогорку Кеңештин кароосуна киргизди.
Нормативдик укуктук актыга тиркелген маалымкатта министрлик азыркы мыйзамдарга ылайык дары-дармектик өсүмдүктөр айыл чарба өсүмдүктөрүнүн катарына кирбей турганын, ошондуктан аларды айыл чарба жерлеринде өстүрүүгө тыюу салынганын түшүндүрөт.
Айыл чарба министрлигинин баалоосу боюнча, дары-дармектик өсүмдүктөрдү өстүрүү жогорку экономикалык потенциалга ээ. Ушуга байланыштуу министрлик бул өсүмдүктөрдү айыл чарба өсүмдүктөрүнүн тизмесине кошууну сунуштайт.
Мыйзам долбоорунун текстине ылайык, айыл чарба өсүмдүктөрүнө төмөнкү өсүмдүктөрдү кошуу сунушталууда: валериана, календула, шалфей, шафран, ак чайыр, аконит, арнебия, алтын тамыр, кызыл мия, чычырканак, итмурун, барбарис, чабрец, ромашка, чай чөп.
Жогорку Кеңештин ишинин календарлык планына ылайык, аталган өзгөртүүлөр 2026-жылдын февраль айында каралат. Бул тууралуу парламенттин расмий сайтындагы маалыматта айтылат.
