Италиядагы Олимпиада оюндарынын мелдештерине кирүү 1400 долларга чейин жетет
Кышкы Олимпиада оюндарынын ачылыш аземи бүгүн Италиянын Милан шаарында өтөт. Интерфакс маалымдагандай, аткаруучулардын арасында италиялык ырчы Андреа Бочелли, беш жолку "Грэмми" сыйлыгынын ээси Мэрайя Кэри, "Мыкты ыр" үчүн "Алтын глобус" сыйлыгынын ээси Лаура Паузини, италиялык рэпер Ghali жана кытайлык пианист Лан Лан бар.
Италиялык актёрлор Пьерфранческо Фавино, Сабрина Импаччаторе жана Матильда Де Анжелис да катышат. Ачылыш аземинин темасы "Гармония" деп аталат. Кирүү акысы 260 евродон башталып, 2000 еврого чейин жетет.
Олимпиада оюндары 22-февралга чейин уланат, ага 92 улуттук командадан 2900дөн ашык спортчу катышат.
Олимпиадага болжол менен 2 млн күйөрман келет деп күтүлүүдө. Мелдештерге билеттер 30 доллардан башталып, 1400 долларга чейин жетет.
Олимпиада айылдары Милан, Кортина-д'Ампеццо, Ливиньо, Бормио, Предаццо жана Расун Антерсельвада жайгашкан.
Италия Олимпиада оюндарын үч жолу 1956-жылы кышкы оюндар, 1960-жылы жайкы оюндар жана 2006-жылы кышкы оюндарды өткөргөн
