VI Дүйнөлүк көчмөндөр оюндарына 14 асыл тукум ат сатылып алынат
Мамлекеттик асыл тукум чарба холдинги VI Дүйнөлүк көчмөндөр оюндарына даярдык көрүү үчүн 14 асыл тукум ат (англис жана орус таскак атынын породасынан ) сатып алууну пландап жатат, алга каражат 32,8 млн сомду түзөт.
Айыл чарба министрлигинин басма сөз кызматынын маалымдашынча, Дүйнөлүк көчмөндөр оюндарына даярдыкта ат чарба объектилери — аткана, манеждер, спорт аянтчалары модернизацияланат, трассалар уюштурулат, ветеринардык жана медициналык камсыздоо көрүлөт. Бул иштерге 91,2 млн сом жумшалаары пландалууда.
Ошондой эле 23,5 млн сом кызматкерлерди кармоо жана административдик чыгымдарга багытталат.
2026-жылы VI Дүйнөлүк көчмөндөр оюндарына даярдык көрүү жана өткөрүү үчүн жалпы каржылоо суммасы 147,5 млн сомду түзөт.
