“Түндүк” тиркемеси аркылуу бала бакчага катталууга болот
“Түндүк” мобилдик тиркемесинде “Балалык” тутумунун билдирүүлөрү ишке киргизилди. Мындан ары ата-энелер бала бакчага баласын каттоо тууралуу арызынын статусу боюнча ыкчам маалымат ала алышат. Бул тууралуу “Түндүк” ишканасынан билдиришти.
Маалыматка ылайык, эми “Түндүк” арызды кезекке туруу, орун бөлүү жана баланы кабыл алуу, кабыл алуудан баш тартуу, ошондой эле бала бакчадан чыгаруу сыяктуу негизги этаптар жөнүндө автоматтык түрдө кабарлайт.
Бул чечим “Түндүк” ААКнын санариптик билим берүү департаменти тарабынан мекемелер аралык санариптик чечимдерди башкаруу департаменти менен биргеликте, Билим берүү министрлигинин колдоосу менен ишке ашырылды
