Ысык-Көлдөгү жайлоого 3 көпүрө куруу пландалууда

Ишкер Media

30 окт 2026 14:06

Ысык-Көл облусунда жайыттардын абалына мониторинг жүргүзүлүп, көрүлүп жаткан иш-аракеттер менен айыл чарба министринин биринчи орун басары Илич Марсбек уулу таанышты. Бул тууралуу министрликтин басма сөз кызматы билдирди.

Республика боюнча 10 млн гектарга жакын жайыт жер бар, анын 180 миң гектары деградацияга учураган.

Маалым болгондой, жайыттарды калыбына келтирүү программасынын алкагында кунарсыз жерлерге чөп үрөндөрүн себүү, мал жебеген отоо чөптөргө каршы күрөшүү жана жайыттарды кезектешип пайдалануу каралган.

Аталган иштердин алкагында Түп районунун Ысык-Көл айыл аймагына караштуу Сары-Булуң жана Ынтымак айылдарынын жакынкы жайыттарындагы кунарсыз жерлерге чөп үрөндөрү механизацияланган ыкма менен себилди.

Сары-Жаз жайлоосуна баруучу жолдо Өзгөчө кырдаалдар министрлиги тарабынан узундугу 140 жана 70 метр болгон эки көпүрө курулуп, 50–60 чакырым жол оңдолгон.

Ошол эле учурда Сары-Жаз жайлоосунун ички жолдорунун 100 чакырымга жакын бөлүгүн жана Жаак жайлоосуна баруучу 12 чакырым жолду оңдоо зарылдыгы бар.

Чымынды-Сай жайлоосунун баш жагына үч көпүрө, ошондой эле жазгы суулардан улам малчылардын көчүүсүнө тоскоолдук жараткан чакан кокту-колотторго 17 көпүрө куруу пландалууда.

Мындан тышкары, Түп районундагы Чымынды-Сай, Чаркудук жана Дөңгөлөк-Саз жайлоолорундагы жалпы аянты 12 005 гектарды түзгөн жайыттарды натыйжалуу пайдалануу маселеси каралды. Аталган жайыттарды пайдаланып келген 97 жайыт пайдалануучуну 2027-жылдан тартып Сары-Жаз жайлоосуна чыгаруу пландалууда.

Бул чара 30 жылдан бери пайдаланылбай келген жайыттарды кайрадан чарбалык жүгүртүүгө киргизүүгө жана жакынкы жайыттарга түшкөн жүктү азайтууга багытталган.

Министрлик жайыттарды сарамжалдуу пайдалануу, деградацияга учураган жерлерди калыбына келтирүү жана мал чарбачылыгынын тоют базасын чыңдоо боюнча программа иштелип чыкканын белгиледи.

Мындан тышкары окуңуз

ЖАМКтын тергөөчүсү пара алып жаткан жеринен кармалды

Аскер прокуратурасы Жазаларды аткаруу кызматынын Тергөө башкармалыгынын тергөөчүсүн пара талап кылууга шектүү катары кармады. Бул тууралуу Башкы прокуратурадан кабарлашты. Билдирүүгө караганда, 27-октябрда жаран М.Ш. арыз менен кайрылган. Анын айтымында, кызматкер маселесин чечип берүү үчүн 100 000 сом талап кылган. Кылмыш ишинин алкагында шектүү Б.Б. 60 000 сом

Жаңы "Ош базарынын" негизги курулушу аяктап калды

Бишкек шаарындагы жаңы "Ош базарынын" негизги курулушу аяктады, эми жол инфраструктурасы бүткөрүлүүдө. Бул тууралуу Президенттин Иш башкармалыгынан кабарлашты. Маалым болгондой, соодагерлер жана кардарлар үчүн заманбап шарттар түзүлүп, кышында жылуу, жайында салкын болуучу соода жайлары курулду. Учурда базарга алып баруучу жолдун курулушу, инженердик тармактарды орнотуу жана аймакты көрктөндүрүү сыяктуу

Кыргызстанда 6 банкка 370 миң сом айып салынды

Кыргызстанда мыйзам талаптарын бузган алты коммерциялык банкка жалпы 370 миң сом айып пул салынды. Бул тууралуу Улуттук банк билдирди. Маалыматка караганда, төрт коммерциялык банктын ар бирине 65 миң сомдон, дагы эки банкка 55 миң сомдон айып салынган. Банктар керектөөчүлүк кредиттөө жана сүткорлук ишмердүүлүк чөйрөсүндөгү мыйзамдардын жана Улуттук банктын ченемдик укуктук

Кыргыз-кытай соода-экономикалык кызматташтыгы талкууланды

КРнын Соода-өнөр жай палатасынын президенти Темир Сариев Кытайдын Эл аралык соодага көмөктөшүү кеңешинин (CCPIT) төрагасынын орун басары Лю Цзяньнань менен жолугушту. Мекемеден маалымдагандай, тараптар кыргыз-кытай соода-экономикалык кызматташтыгын кеңейтүү, бизнес байланыштарды чыңдоо жана биргелешкен долбоорлорду ишке ашыруу маселелерин талкуулашты. Жолугушуу эки өлкөнүн ишкер чөйрөлөрүнүн түз байланыштарын күчөтүп, өз