Транспорт

Бир жыл ичинде 20 миң жеңилдетилген "Тулпар" картасы берилди

Ишкер Media

29 дек. 2025 13:27

2025-жылы Бишкек шаарында коомдук транспорттун колдонуучулары 34 миң 560 окуучу үчүн "Тулпар" картасын, 20,6 миң пенсионерлер жана мүмкүнчүлүгү чектелген жарандар үчүн жеңилдетилген карталарды, ошондой эле 90,5 миң стандарттык картаны сатып алышканын бүгүн "Тулпар" долбоорунун операциялык ишмердүүлүк боюнча директору Бекжан Акматбеков билдирди.

Анын айтымында, учурда автобустарда жалпы 1 миң 445 валидатор орнотулган.

"Бир жылдын ичинде 322 жаңы валидатор орнотулду. Биз жаңы үлгүдөгү 120 аппаратты алып келдик. Мындай типтеги валидаторлор мурда колдонулган эмес. Кийинки жылдан тарта бардык валидаторлорду этап-этабы менен жаңы моделдерге алмаштыра баштайбыз", — деди Бекжан Акматбеков.

Ал Бишкек шаарында коомдук транспортто жол кирени төлөөнүн эки ыкмасы үчүн шарттар түзүлгөнүн эске салды.

"Дифференцияланган тариф иштейт: накталай төлөм — 20 сом, накталай эмес төлөм — 17 сом. Накталай акчаны кабыл алууга тыюу салынган эмес. Эл бул ыкма менен төлөөнү улантып келет, бирок кайсы көлөмдө экендиги тууралуу биздин компанияда так маалымат жок. Жарандардын толугу менен накталай эмес төлөмгө өтүшү үчүн тарифтик саясатты кайра карап чыгуу зарыл. Баалардын айырмасы үч сомдон жогору болушу керек. Бирок тарифтерди белгилөө шаар мэриясы менен шаардык кеңештин компетенциясына кирет", — деп кошумчалады Бекжан Акматбеков

Мындан тышкары окуңуз

Соцфонд: Пенсиялык топтоо каражаттарын 226 миңден ашык адам алды

Кыргыз Республикасынын жарандары пенсиялык топтоо каражаттарын ар кандай кырдаалдарда пайдалана алышарын Социалдык фонд билдирди. Аларга төмөнкүлөр кирет: 1. Пенсия курагына жеткендерге төлөө – жеке эсептердеги каражаттар пенсия катары берилет. 2. Чет өлкөдө туруктуу жашоо – өлкөдөн чыгып кеткен жарандар да топтомолорун ала алышат. 3. Мураскорлор – каза болгон жарандын топтолгон каражаты мураскорлоруна төлөнөт.

Ири мүйүздүү малдарды жасалма уруктандыруу үчүн жаңы жабдыктар алынды

Суу ресурстары, айыл чарба жана кайра иштетүү өнөр жайы министрлигине караштуу Ветеринария, мал чарбасын өнүктүрүү, жайыт жана тоют кызматы ири мүйүздүү малдарды жасалма уруктандыруу үчүн заманбап жабдык-шаймандар менен камсыз болду. Жабдык-шаймандарды министрликтин биринчи орун басары Жаныбек Керималиев жеринде текшерип, долбоордун жүрүшү жана жабдыктардын сапаты менен таанышты. Аларды Дүйнөлүк банк каржылаган

Инвестициялардын көлөмү 2024-жылга салыштырмалуу 2025-жылы 12,4% өстү

Кыргыз Республикасынын Президентине караштуу Инвестициялар боюнча улуттук агенттиктин өкүлдөрү 2025-жылдын жыйынтыгы боюнча бүгүн маалымат жыйынын уюштурушту. Анын жүрүшүндө, Инвестициялар боюнча улуттук агенттиктин башчысы Равшанбек Сабиров эл аралык багыттагы ченемдик базаны түзүү боюнча активдүү иш жүрүп жаткандыгын, тактап айтканда чет мамлекеттер менен инвестицияны колдоо жана өз ара коргоо борюнча 12 келишим

Мамлекеттин бюджетинен билим берүүгө, саламаттык сактоого жана социалдык коргоого 169,3 млрд сом сарпталган

2024-жылы билим берүү, саламаттык сактоо жана социалдык коргоо сыяктуу негизги кызматтарга мамлекеттик бюджеттен бөлүнгөн чыгымдар 169,3 млрд сомду түзүп, 2023-жылга салыштырмалуу 3,5%га өскөнү "Кыргыз Республикасынын туруктуу өнүгүү максаттарынын статистикасы 2015–2024" аттуу статистикалык жыйнакта айтылат. 2015-жылга салыштырмалуу бул багыттарга бөлүнгөн чыгымдар 2,7 эсеге көбөйгөн.