Алматы шаарында курьердик жеткирүүнү дрондор аткара баштайт
Казакстандын Алматы шаарында курьердик жеткирүү үчүн дрондор колдонулат. Пилоттук долбоор кийинки жылдын январь айынан тартып ишке киргизилерин Казакстандын Жасалма интеллект жана санариптик өнүгүү министрлиги.
Тиешелүү ниет жөнүндө меморандумга министрликтин жетекчиси жана Freedom Lifestyle компаниясы кол коюшкан.
Пилоттук долбоорду ишке киргизүү 2026-жылдын январь–март айларына пландалган. Дрондор салмагы 10 килограммга чейин болгон жүктөрдү (азык-түлүк, күнүмдүк керектелүүчү товарлар жана дары-дармектер) шаардын жогорку жана орто бөлүгүндө жайгашкан эки пункттан үч чакырымга чейинки аралыкта жеткиришет.
Учуу күндүзгү убакта жана аба ырайы ыңгайлуу болгондо гана жүргүзүлөт. Маршруттар негизинен парктардын үстү менен түзүлүп, шаар тургундарына ыңгайсыздык жаратпоого багытталган.
Дрондор интернет жок болгон учурда да учууну уланта алышат, коопсуздук үчүн парашюттар менен жабдылган. Ошондой эле өзгөчө кырдаалдарда базасына автоматтык түрдө кайтуу же коопсуз конуу функциялары каралган.
Дрон аркылуу жеткирүү үчүн операторлорду даярдоо иштери 2025-жылдын кышында башталган. Ошол эле маалда технология лабораториялык шартта сыноодон өткөрүлө баштаган.
